නීතිපති දෙපාර්තමේන්තුව යලි ජනපති යටතට


Image result for Attorney General's Department

Attorney General's Department comes under the President



පසුගිය පාලන සමයේ ජනාධිපති මහින්ද රාජපක්ෂ මහතා යටතේ රඳවා ගෙන සිටි නීතිපති දෙපාර්තමේන්තුව, යහපාලන ආණ්ඩුව බලයට පත්වීමෙන් පසු අධිකරණ අමාත්‍යවරයා යටතට පත් කරනු ලැබුවේ, රාජපක්ෂ පාලන යුගයේදී නීතිපති දෙපාර්තමේන්තුව ජනාධිපති කාර්යාලය හරහා මුළුමනින්ම දේශපාලනීකරණය කරන ලදැයි සිවිල් සංවිධාන විසින් කල චෝදනා සැලකිල්ලට ගනිමිනි.

කෙසේවුවද බැඳුම්කර සිද්ධිය පිළිබඳව සොයාබැලීමට ජනාධිපතිවරයා විසින් පත්කළ කොමිසමේ දී නීතිපති දෙපාර්තමේන්තුවේ නිලධාරීන් ක්‍රියාකළ ආකාරය එජාප නායකත්වයේ දැඩි විවේචනයට ලක්වූ අතර, තමා ඇමැතිධුරයෙන් ඉවත්කලේ බැඳුම්කරයට අදාළ දුෂණ චෝදනා වලින් ඇතැම් එජාප නායකයින් බේරා ගැනීම සඳහා යයි හිටපු අමාත්‍ය විජේදාස රාජපක්ෂ මහතා ප්‍රකාශකර තිබිණ.
එම පසුබිම තුල ‘හැට දෙලක්‍ෂයේ කොටස්කරුවෝ’ නමැති සංවිධානයක් නිකුත්කළ නිවේදනයක දැක්වෙන්නේ, බැදුම්කර කොමිසමේ පරීක්ෂණ කටයුතු අවසන් වනතෙක් අධිකරණ අමාත්‍ය ධුරය ජනාධිපතිවරයා සතුව තබාගත යුතු බවයි.
නීතිපති දෙපාර්තමේන්තුවට දොස්‌ කියනවට මම කැමති නැහැ
මේ අතර නීතිපති දෙපාර්තමේන්තුවට එල්ලවන චෝදනා සම්බන්ධයෙන් මාධ්‍යවේදීන් පිරිසක්‌ සමඟ ඊයේ (24) පැවැති හමුවකදී අදහස් දැක්වූ ජනාධිපතිවරයා, නීතිපති දෙපාර්තමේන්තුවේ කිසිදු වැරැද්දක්‌ තමන් දකින්නෙ නැති බව ප්‍රකාශ කළේය.
නීතිපති දෙපාර්තමේන්තුවට නිදහසේ වැඩ කර ගෙන යන්න අවස්‌ථාව ලබා දිය යුතු බවත් කවුරුන් හෝ නීතිපති දෙපාර්තමේන්තුවට දොස්‌ කියනවා නම් තමන් ඊට කැමැති නැති බවත් ජනාධිපතිවරයා එහිදී පැවසීය.
නීතිපති දෙපාර්තමේන්තුව පිළිබඳව ඇමැතිවරුන් විවිධ අදහස්‌ පළ කිරීම සම්බන්ධයෙන් මාධ්‍යවේදීන් නැගූ ප්‍රශ්නයකට පිළිතුරු දෙමින් ජනාධිපතිවරයා එම අදහස්‌ පළ කළේය.

Comments

Popular posts from this blog

තලතාගෙන් මහින්දට සැර පිළිතුරක්

අවසන් මොහොතේ ජනපති ගිවිසුම සංශෝධනය කරයි

නුදුරේ කොළඹ අලුත්වෙයි